ས་པཎ་གྱི་འཆད་ཉན་གྱི་རྩ་དོན་ལ་དཔྱད་པ།

ཚན་པ་དང་པོ།

ཚན་པ་གཉིས་པ།

ཚན་པ་གསུམ་པ།

ཚན་པ་བཞི་བ།

ཚན་པ་ལྔ་བ། ༼   རྫོགས་སོ།།  ༽


འཆད་ཁྲིད་གནང་མཁན་ངོ་སྤྲོད། 

སྟོབས་ལྡན། མཚོ་སྔོན་དགེ་འོས་སློབ་གྲྭ་ཆེན་མོའི་མི་རིགས་དགེ་འོས་སློབ་གླིང་གི་བོད་ཀྱི་སྐད་ཡིག་དང་རྩོམ་རིག་སྡེ་ཁག་གི་མགོ་གཙོ། དགེ་རྒན་ཆེན་མོ། ཞིབ་འཇུག་སློབ་མའི་མཛུབ་སྟོན་དགེ་རྒན། བོད་རིག་པ་ཞིབ་འཇུག་ཁང་གི་མགོ་གཙོ་གཞོན་པ། མཚོ་སྔོན་ཞིང་ཆེན་གེ་སར་སྒྲུང་སློབ་ཚོགས་ཀྱི་དྲུང་ཡིག་ཆེན་མོ་སོགས་ཀྱི་འགན་གཅིག་ལྕོགས་སུ་འཁུར་བཞིན་འདུག

2008ལོ་ནས་བཟུང་སློབ་གྲྭ་ཆེན་མོའི་བོད་ཀྱི་སྐད་ཡིག་དང་རྩོམ་རིག་ཆེད་ལས་ཀྱི་བསླབ་ཚན་མང་པོ་སྟེ། སྙན་ངག གནའ་རྩོམ། གྲགས་རྩོམ་རོལ་མྱོང་། ཕྱི་གླིང་རྩོམ་རིག བོད་ཀྱི་སློབ་ཁྲིད་རྣམ་བཤད། བོད་ཀྱི་གནའ་རབས་རྩོམ་གྱི་རྣམ་གཞག བོད་ཀྱི་རྩོམ་རིག་ཆེད་དམིགས་ཞིབ་འཇུག་སོགས་ཀྱི་སློབ་ཁྲིད་ཀྱི་འགན་འཁུར་ཞོར་དུ། སྔ་ཕྱིར་སློབ་ཁྲིད་ཞིབ་འཇུག་ཁང་གི་མགོ་གཙོ་དང་། སྡེ་ཁག་གི་དྲུང་ཡིག སློབ་ཁྲིད་ལས་སྣ་པ། འཛིན་གྲྭའི་བདག་པོ། སྡེ་ཁག་གི་མགོ་གཙོ་སོགས་ཀྱི་འགན་འཁུར་པ་དང་། ཞིབ་འཇུག་གི་ལས་ལའང་ནན་གྱིས་འཇུག་བཞིན་ཡོད། ཞིབ་འཇུག་གི་འབྲས་བུ་ལ༼   ཀྲུང་གོའི་བོད་རིག་པ་ཞིབ་འཇུག  ༽  དང་། ༼   བོད་ལྗོངས་ཞིབ་འཇུག  ༽  སོགས་རིག་གཞུང་དུས་དེབ་ཀྱི་སྟེང་དུ་སྙན་ངག་གི་གཞུང་ལུགས་དང་རྩོམ་རིག་དཔྱད་བརྗོད་དང་སློབ་གསོ་སློབ་ཁྲིད་སོགས་ཀྱི་དཔྱད་རྩོམ་ཉི་ཤུ་ལྷག་སྤེལ་མྱོང་། མཚོ་སྔོན་མི་རིགས་དཔེ་སྐྲུན་ཁང་སོགས་ནས༼    སྙན་ངག་གི་སྤྱི་ཁོག  ༽ དང་།  ༼   ཚིག་རྒྱན་རིག་པའི་སྤྱི་ཁོག  ༽  དང་། ༼   རེ་འདུན་མེ་ཏོག་ཕྲེང་བ  ༽  དང་། དགོན་སྡེའི༼   སྙན་ངག་གི་སློབ་དེབ  ༽  བཅས་དཔེ་སྐྲུན་བྱས་མྱོང་ཞིང་། ལས་གྲོགས་དང་བསྡོངས་ནས ༼   འགྱུར་རྩོམ་གྲགས་ཅན་འགའ་ཞིག་གི་དཔྱད་བརྗོད ༽ དང་། ༼   བོད་ཀྱི་རྩོམ་རིག་ལོ་རྒྱུས   ༽  དང་། ༼   བོད་ཀྱི་རྩོམ་རིག་ལོ་རྒྱུས་རྒྱས་པ  ༽ དང་། ༼   ཆབ་འགག་གི་ལོ་རྒྱུས  ༽  དང་། ༼   ཨ་སྟག་ལྷ་མོ   ༽  དང་། ༼    སློབ་ཆེན་བོད་ཀྱི་སྐད་ཡིག   ༽  སོགས་དཔེ་སྐྲུན་བྱས། ད་ལྟ་སྡེ་ཁག་གི་དངོས་གཞི་སློབ་མའི་སློབ་གསོ་སློབ་ཁྲིད་དང་། ཞིབ་འཇུག་སློབ་མའི་སློབ་གསོ་སློབ་ཁྲིད། གཞན་ད་དུང་རབ་འབྱམས་པའི་ལྟེ་གནས་དང་། རྒྱལ་ཁབ་རིམ་པའི་ཁྱད་ཆོས་ཅན་གྱི་ཆེད་ལས་དང་ཕུལ་བྱུང་བསླབ་ཚན་དང་། ཕུལ་བྱུང་ཚན་ཞིབ་གསར་གཏོད་དཔུང་སྡེ། ཞིང་ཆེན་རིམ་པའི་རིག་ཚན་གཙོ་བོ་དང་ཕུལ་བྱུང་སློབ་ཁྲིད་དཔུང་སྡེ། སློབ་གྲྭའི་འབུམ་རམས་པའི་འཛུགས་སྐྲུན་ལྟེ་གནས་དང་། བོད་རིག་པའི་ཞིབ་འཇུག་ལྟེ་གནས་དང་། བོད་ཀྱི་དངོས་པོ་མ་ཡིན་པའི་རིག་གནས་ཤུལ་བཞག་རྒྱུན་འཛིན་དང་ཞིབ་འཇུག་ལྟེ་གནས་དང་།  བོད་རིག་པའི་ཡིག་ཆ་དང་རྒྱུ་ཆའི་བརྡ་འཕྲིན་ལྟེ་གནས་སོགས་ཀྱི་ཕྱོགས་ལ་སྟོབས་ཤུགས་ཡོད་རྒུ་འབུལ་བཞིན་ཡོད། སྤྱི་ལོ༢༠༡༠ལོ་ནས་བཟུང་སྟེ། ལོ་ངོ་ལྔའི་རིང་ངལ་གསོའི་དུས་ཚོད་སྤྱད་ནས༼   བོད་ཀྱི་གནའ་རབས་རྩོམ་གྱི་རྣམ་གཞག་ཞིབ་འཇུག  ༽  ཅེས་པའི་རྒྱལ་ཁབ་རིམ་པའི་ཞིབ་འཇུག་ལས་གཞི་འདི་ལེགས་འགྲུབ་ཡོང་བར་བྱས་སོ། །

རྩོམ་སྒྲིག་པ། མཁའ་འགྲོ་ཚེ་བརྟན།

དཔྱད་མཆན 0 ཡོད།