​དཀར་མཛེས་གེ་སར་གནམ་ཐང་དུ་གནམ་གྲུ་ཚོད་འཕུར་ལེགས་གྲུབ་བྱུང་བ།

微信图片_20190613123707.jpg

ཀྲུང་གོ་བོད་ཀྱི་དྲ་བའི་འཕྲིན། ཚེས13ཉིན་གྱི་ཞོགས་པའི་ཆུ་ཚོད6དང་སྐར་མ53ཐོག  འགྲུལ་སྐྱེལ་གནམ་གྲུA319དཀར་མཛེས་གེ་སར་གནམ་ཐང་དུ་བདེ་ལེགས་ངང་བབས་ཤིང་།  དེས་གེ་སར་གནམ་ཐང་དུ་གནམ་གྲུ་ཚོད་འཕུར་ལེགས་གྲུབ་བྱུང་བ་མཚོན་ཡོད།  གེ་སར་གནམ་གྲུ་ཐང་ནི2016ལོའི་ཟླ4པའི་ཚེས18ཉིན་ལས་གཞི་ཆ་ཚང་དངོས་སུ་འཛུགས་སྐྲུན་བྱེད་འགོ་བརྩམས་ཞིང་། རྒྱུན་ལོན་བྱུང་བ་ལྟར་ན།  ད་ལོའི་ཟླ8པར་འཛུགས་སྐྲུན་ཡོངས་རྫོགས་ལེགས་འགྲུབ་བྱུང་ནས།  ཟླ9པའི་ནང་དངོས་སུ་ཤར་གཏོང་བྱ་རྒྱུ་རེད།

དཀར་མཛེས་གེ་སར་གནམ་གྲུ་ཐང་ལ་མཚོ་འཕགས་སྨི4068ཡོད་ཅིང་། དཀར་མཛེས་རྫོང་མཁར་དང་བར་ཐག་སྤྱི་ལེ52དང་། སྡེ་དགེ་རྫོང་མཁར་དང་བར་ཐག་སྤྱི་ལེ150ཙམ་ཡོད། གནམ་གྲུ་ཐང་གི་འཛུགས་སྐྲུན་གྱི་གཞི་ཁྱོན་ནིCབཞི་རིམ་པའི་འཕུར་སྐྱོད་ཁུལ་ཡིན་པ་དང་། གནམ་གྲུའི་རྒྱུག་ལམ་ལ་རིང་ཚད་སྨི4000དང་ཞེང་ལ་སྨི45ཡོད་པ་རེད། མཁའ་འགྲུལ་ས་ཚུགས་ཐོག་ཁང་གི་རྒྱ་ཁྱོན་ལ་སྨི་གྲུ་བཞི་མ3000ཡོད་པ་དང་། གནམ་གྲུ་འཇོག་སCརིམ་པ་ཅན4ཡོད་པ་རེད། ལེ་ལག་ཚང་སྒྲིག་གི་འཛུགས་སྐྲུན་ཐད་མཁའ་འགྲུལ་དོ་དམ་དང་སྣུམ་མཁོ་འདོན། མེ་གསོད་མྱུར་སྐྱོབ་དང་དེ་བཞིན་ཐུན་མོང་གི་ཆ་ཚང་སྒྲིག་བཀོད་སོགས་ཡོད་ཅིང་།  ཚོད་རྩིས་བྱས་ན་བསྡོམས་པས་མ་དངུལ་སྒོར་དུང་ཕྱུར24.25ཙམ་གཏང་རྒྱུ་རེད།

微信图片_20190613123711.jpg

微信图片_20190613123652.jpg

གེ་སར་གནམ་གྲུ་ཐང་བསྐྲུན་ཚར་རྗེས། དཀར་མཛེས་ཁུལ་ལ་དེ་སྔོན་བསྐྲུན་ཟིན་པའི་དར་མདོའི་གནམ་གྲུ་ཐང་དང་འདབ་པའི་ཉི་སྟེང་གནམ་གྲུ་ཐང་བཅས་བསྡོམས་པས་གནམ་གྲུ་ཐང་གསུམ་ཡོད་པས། དཀར་མཛེས་ཁུལ་ནི་རྒྱལ་ཡོངས་ཀྱི་དམངས་སྤྱོད་གནམ་གྲུ་ཐང་གསུམ་ཡོད་པའི་མི་རིགས་རང་སྐྱོང་ཁུལ་ཐོག་མར་འགྱུར་རྒྱུ་རེད།

གེ་སར་གནམ་གྲུ་ཐང་བསྐྲུན་ཚར་རྗེས། ཡུལ་སྐོར་བ་རྣམས་ཁྲེན་ཏུའུ་ནས་དཀར་མཛེས་རྫོང་བར་དུ་ཆུ་ཚོད་བདུན་གྱི་ལམ་ཐག་དེ་ཆུ་ཚོད་གཅིག་ལ་འགྱུར་རྒྱུ་དང་། སྡེ་དགེ་པར་ཁང་དུ་ཆུ་ཚོད་དགུའི་ལམ་ཐག་དེའང་ཆུ་ཚོད་བཞི་རུ་འགྱུར་རྒྱུ་རེད། ཉེ་འགྲམ་གྱི་དཀར་མཛེས་རྫོང་དང་སྡེ་དགེ་རྫོང་། དེ་མིན་གསེར་རྟ་རྫོང་དང་སེར་ཤུལ་རྫོང་། ཉག་རོང་རྫོང་དང་དཔལ་ཡུལ་རྫོང་། རྟའུ་རྫོང་བཅས་སུ་ཕྱིན་པར་ཆུ་ཚོད5ལས་མི་དགོས། 

微信图片_20190613123703.jpg

微信图片_20190613123717.jpg

微信图片_20190613123827.jpg

微信图片_20190613123841.jpg

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།