《དོར་ཞི་གདོང་དྲུག་སྙེམས་བློའི་དེབ་ཕྲེང》དཔར་འགྲེམས་བྱས་པ།

ཀྲུང་གོ་བོད་ཀྱི་དྲ་བའི་འཕྲིན། དགེ་བའི་བཤེས་གཉེན་དོར་ཞི་གདོང་དྲུག་སྙེམས་བློ་མཆོག་ནི་རྒྱལ་ཁབ་ཕྱི་ནང་ཀུན་ཏུ་མཚན་སྙན་གྱི་བ་དན་རྣམ་པར་གཡོ་བའི་མཁས་པའི་དབང་པོ་ཞིག་ལགས། ཁོང་གིས་དེ་སྔ་ནུབ་བྱང་མི་རིགས་སློབ་ཆེན་དུ་སློབ་ཁྲིད་གནང་ཞོར་གྱི་ཁོམ་སྐབས་དང་། ལས་བསྐྱུར་ངལ་གསོ་གནང་རྗེས་ཀྱི་དུས་ཚོད་གང་ཡོད་སྤྱད་ནས་ད་བར་དུ་བོད་རྒྱ་ཡིག་རིགས་གཉིས་ཀྱི་ལམ་ནས་བོད་བརྒྱུད་ནང་བསྟན་དང་། ཚད་མ། བརྡ་སྤྲོད། སྙན་ངག་ལོ་རྒྱུས་ལ་སོགས་པའི་སྐོར་གྱི་ཕྱག་དཔེ་དང་། སྙན་རྩོམ། དཔྱད་རྩོམ་བཅས་སྐད་གྲགས་ཁྱབ་པ་མང་པོ་ཞིག་དཔར་དུ་བསྐྲུན་ཅིང་སྤེལ་ཡོད་པ་ལས། ཐེངས་འདིར་ཀྲུང་གོའི་བོད་རིག་པ་དཔེ་སྐྲུན་ཁང་གིས་མཁས་དབང་ཁོང་གིས་བོད་ཡིག་གི་ལམ་ནས་བརྩམས་པའི་ཕྱག་རྩོམ་གང་ཡོད་ཕྱོགས་སྒྲིག་བྱས་ཏེ། རྒྱ་ཆེའི་གཟིགས་པ་པོའི་སྤྱན་སྔར་པོད་བཅུའི་བདག་ཉིད་ཅན་འདི་ཉིད་ཕུལ་ཡོད་པ་སྟེ།

པོད་དང་པོ།    《སྙན་རྩོམ་སེང་གེ་དཀར་མོའི་བཞད་སྒྲ།》

པོད་གཉིས་པ། 《སྙན་ཚིག་རིག་པའི་ཤེས་བྱ་གནད་བསྡུས།》

པོད་གསུམ་པ། 《དབུ་ཚད་གསུང་བཏུས་རིན་ཆེན་སྒྲོམ་བུ།》

པོད་བཞི་པ།   《སངས་རྒྱས་ཆོས་ལུགས་སྤྱི་བཤད་བློ་གསལ་འཇུག་ངོགས།》

པོད་ལྔ་པ།     《ཐོར་རྩོམ་ཕྱོགས་བསྡུས་མ་ལི་ཀའི་དོ་ཤལ།》

པོད་དྲུག་པ།   《དཔྱད་རྩོམ་མུན་འཇོམས་ནོར་བུའི་ཕྲེང་བ།》

པོད་བདུན་པ།《གྲགས་རྩོམ་ཚིག་འགྲེལ་བློ་གསལ་དགའ་སྟོན།》

པོད་བརྒྱད་པ།《བརྡ་སྤྲོད་རིག་པའི་རྣམ་བཤད་གསར་སློབ་བདེ་ལམ།》

པོད་དགུ་པ།  《ནང་བསྟན་ཆོ་ག་མདོར་གསལ་དགེ་ལེགས་དཔལ་སྟེར།》

པོད་བཅུ་པ།  《དག་ཡིག་ཤེས་བྱ་རབ་གསལ་གྱི་མཆན་འགྲེལ་རབ་གསལ་སྣང་བ།》བཅས་སོ། །

རྩོམ་སྒྲིག་པ། ཀླུ་འབུམ་ཚེ་རིང་།

དཔྱད་མཆན 0 ཡོད།