ནག་འཇོམས་ངན་སེལ་ཆེད་དོན་འཐབ་རྩོད་ཀྱི་རྒྱུན་ཤེས་ངོ་སྤྲོད། (བརྒྱད)

(ཉེར་བདུན་པ།)སྡེ་བའི“ཨུ་ལྷན་གཉིས་ཀྱི”སྐབས་བརྗེའི་འདེམས་བསྐོའི་ཁྲོད། འོས་འདེམས་མི་སྣའི་མཉམ་འབྲེལ་ཞིབ་བཤེར་སྒྲིག་སྲོལ་ཞེས་པ་དེའི་དོན་ཅི་ཞིག་ཡིན་ནམ།

རྫོང་རིམ་པའི་ལས་ཁུངས་དང་རྩ་འཛུགས། དམངས་སྲིད་སྡེ་ཁག་བཅས་ཀྱིས་ཕན་ཚུན་བར་ལ་རམ་འདེགས་དམ་ཟབ་ཀྱིས་སྡེ་བའི་ཏང་རྩ་འཛུགས་ཧྲུའུ་ཅི་དང་སྡེ་དམངས་ཨུ་ཡོན་ལྷན་ཚོགས་ཀྱི་ཀྲུའུ་རེན་འོས་འདེམས་མི་སྣ་གཅིག་གྱུར་བྱས་རྗེས་རྫོང་རིམ་པའི་སྒྲིག་ཁྲིམས་ཞིབ་དཔྱོད་ལས་ཁུངས་དང་ཁྲིམས་ཁང་། ཞིབ་དཔྱོད་ཁང་། ཕྱོགས་བསྡུས་བཅོས་སྐྱོང་། ཡིག་བསྐུར་ངོ་གཏུག སྤྱི་བདེ། རྒྱལ་ཁབ་ས་ཁོངས། ཁྲིམས་འཛིན་སྲིད་དོན། འཕྲོད་བསྟེན་འཆར་སྐྱེ་སོགས་ལ་སྙན་ཞུ་ཞུས་ནས་བསམ་འཆར་བསྡུ་རུབ་སྒོས་ཐོབ་ཐང་ལ་ཞིབ་བཤེར་བྱས་ཤིང་། གལ་ཏེ་ནག་ཚོགས་ཀྱི་སྟོབས་ཤུགས་ལ་འབྲེལ་བ་ཡོད་པ་ན་འོས་འདེམས་ལས་ཕྱིར་འཐེན་བྱེད་དགོས།

(ཉེར་བརྒྱད་པ།)སྟོབས་ཤུགས་ཉམ་ཞན་དང་ཁ་འཐོར་རང་བཞིན་གྱི་གཞི་རིམ་ཏང་རྩ་འཛུགས་ལ་གནད་དོན་ཡོད་པ་དེ་ཕྱོགས་གང་དག་ནས་ཚུར་སྣང་བྱས་ཡོད་དམ།

1.ཏང་རྩ་འཛུགས་འགོ་ཁྲིད་ཀྱི་རམ་འདེགས་དང་གྲ་སྒྲིག་གིས་མི་འདང་པ། ཧྲུའུ་ཅི་དུས་ཡུན་རིང་བོར་ལས་རྐང་དུ་མེད་པ། བྱ་བ་མཚམས་བཞག་པའི་རྣམ་པར་ཡོད་པ།

2.ཏང་རྩ་འཛུགས་ཧྲུའུ་ཅི་ལས་རྐང་དུ་མེད་པ་མ་ཟད། བྱ་བ་ཡང་སྒྲུབ་བཞིན་མེད་པས་འགོ་ཁྲིད་ཡོངས་ཀྱི་འཐབ་རྩོད་ནུས་ཤུགས་ལ་ཤུགས་རྐྱེན་མི་ལེགས་པ་ཚབས་ཆེན་ཐེབས་ཡོད་པ།

3.འགོ་ཁྲིད་ཕན་ཚུན་བར་ལ་མཐུན་སྒྲིལ་མེད་པ་དང་ནང་འགལ་ཚབས་ཆེན་ཡིན་པས། བྱ་བ་མཐའ་དག་རྒྱུན་ལྡན་གྱིས་སྒྲུབ་དཀའ་པ།

4.གཞི་རྩའི་རྩ་འཛུགས་སྒྲིག་སྲོལ་ནི་ཕྱིའི་རྣམ་པ་ཙམ་ཡིན་པས། ཏང་རྩ་འཛུགས་ཀྱི་བྱ་འགུལ་སྤེལ་བར་དཀའ་ཁག་ཆེ་བ།

5.སྡེ་དོན་དང་གཞིས་ཁུལ་གྱི་ལས་དོན། ནོར་དོན་སྤྱི་བསྒྲགས་དང་དམངས་གཙོའི་བདག་དོམ་ཟང་ཟིང་ལང་ལོང་ཅན་ཏུ་གྱུར་ཡོད་པ།

6.རིགས་རྒྱུད་ཆོས་ལུགས་དང་ནག་ཚོགས་སྟོབས་ཤུགས་ཀྱིས་ཐེ་གཏོགས་སིམ་འཛུལ་བྱས་པ་ཚབས་ཆེ་ཞིང་། སྤྱི་ཚོགས་ཀྱི་བདེ་སྲུང་གནད་དོན་དང་ཡིག་བསྐྲུན་ངོ་གཏུག་འགལ་ཟླའི་རྩོད་རྙོག་སོགས་ཡོད་པ།

7.བརྟན་འཇགས་ཀྱི་གཞུང་སྒྲུབ་བྱ་འགུལ་སྤེལ་སའི་ཡུལ་དངོས་དང་དམངས་ཕན་ཞབས་ཞུའི་སྒྲིག་ཆས་སོགས་ཅི་ཡང་མེད་པ།

8.ཏང་རྩ་འཛུགས་ཞབས་ཞུའི་འདུ་ཤེས་ཞན་པ་དང་ཞབས་ཞུའི་བྱེད་ནུས་ཞན་པ། མང་ཚོགས་ལ་བསམ་འཆར་མོད་པ་བཅས་ཡིན།

(ཉེར་དགུ་པ།)ནག་འཇོམས་ངན་སེལ་དེ་ཅི་ལྟར་སྒྲུབ་ན་ད་བཟོད་བྱ་བའི་སྒྲིག་གཞི་ལ་ཕན་ནུས་ངེས་ཅན་ཞིག་ཐོན་ཐུབ་བམ།

ད་ལྟའི་ནག་ཚོགས་དང་ངན་ཕྱོགས་ལ་འབྲེལ་བ་ཡོད་པའི་གནད་དོན་གྱི་འཁོར་ཕྱོགས་གསར་བ་ལ་ཁ་གཏད་དེ། དོན་དངོས་གཞིར་བཟུང་ནས་ཆེད་དོན་བཅོས་སྐྱོང་དང་མ་ལག་བཅོས་སྐྱོང་། ཕྱོགས་བསྡུས་བཅོས་སྐྱོང་། ཁྲིམས་བརྟེན་བཅོས་སྐྱོང་། འགོ་ཁུངས་བཅོས་སྐྱོང་བཅས་ཟུང་འབྲེལ་དམ་པོ་བྱས་ནས། ནག་ཚོགས་དང་ངན་ཕྱོགས་སྟོབས་ཤུགས་ཀྱི་ནག་ཉེས་དང་རུལ་སུངས་ལ་རྡུང་རྡེག་ཚབས་ཆེན་གཏོང་དགོས། དེ་ཡང་གཞི་རིམ་དུ“སྦྲང་མ་གསོད་པ”ལ་ཟུང་འབྲེལ་བྱས་ཏེ། ནག་འཇོམས་ངན་སེལ་དང་གཞི་རིམ་རྩ་འཛུགས་ཀྱི་འཛུགས་སྐྲུན་གཉིས་ཟུང་འབྲེལ་སྒོས། ནག་ཚོགས་ཀྱི་སྟོབས་ཤུགས་ནག་ཉེས་ལ་འདར་སྐྱོམས་བཟོ་བའི་རྡུང་རྡེག་ཚབས་ཆེན་བཏང་སྟེ། རྩ་བ་ནས་རྨེག་མེད་དུ་བཏང་པའི་རྣམ་པ་མངོན་པར་བྱེད་དགོས། ད་རུང་ནག་ཚོགས་སྟོབས་ཤུགས་རྨེག་མེད་དུ་བཏང་ནས་གཤིན་ས་ལེགས་པོ་ཞིག་འཁྲུངས་བའི་ཡུན་རིང་གི་སྒྲིག་གཞི་ནུས་ལྡན་ཞིག་གྲུབ་པ་བྱ་དགོས།

(སུམ་བཅུ་པ།)ནག་ཚོགས་སྟོབས་ཤུགས་ལ་མི་གཏོགས་པའི་ཁྲིམས་འགལ་བྱ་སྤྱོད་ཀྱི་གྱོད་དོན་དེ་ཇི་ལྟར་སྙན་ཞུ་བྱེད་དགོས་སམ།

ནག་ཚོགས་སྟོབས་ཤུགས་ལ་མི་གཏོགས་པའི་ཁྲིམས་འགལ་བྱ་སྤྱོད་ནི་བདེ་སྲུང་དང་ཉེས་དོན་གྱོད་དོན་གྱི་ཁོངས་སུ་གཏོགས་པས། རྒྱ་ཆེའི་མི་དམངས་མང་ཚོགས་ཀྱིས་ས་གནས་མངགས་གཏོང་ཁང་ལ་གྱོད་དོན་སྙན་ཞུ་ཞུས་ཆོག་ལ། སྤྱི་བདེ་ལས་ཁུངས་ཀྱིས་ཁྲིམས་ལྟར་རྩད་གཅོད་བྱས་ཏེ་ཐག་གཅོད་བྱེད་དགོས། དམངས་ཁྲོད་ཀྱི་རྩོད་རྙོག་ཁོངས་སུ་གཏོགས་ན་ས་གནས་གཞི་རིམ་རྩ་འཛུགས་དང་འབྲེལ་ཡོད་འགན་ནུས་སྡེ་ཁག་བརྒྱུད་དེ་བར་འདུམ་བྱེད་དུ་འཇུག་པ་དང་། ཡང་ན་བཅའ་ཁྲིམས་ཀྱི་འགྲོ་ལུགས་གཞན་པ་བརྒྱུད་དེ་རང་ཉིད་ཀྱི་ཁྲིམས་མཐུན་ཁེ་དབང་ལ་སྲུང་སྐྱོབ་བྱས་ཆོག

(སོ་གཅིག་པ།)2019ལོའི་ཟླ4ཚེས9ཉིན་ནས་བཟུང་དངོས་སུ་ལག་བསྟར་བྱས་པའི་ཆེས་མཐོའི་མི་དམངས་ཁྲིམས་ཁང་དང་ཆེས་མཐོའི་ཞིབ་དཔྱོད་ཁང་གཉིས་ཀྱིས་མཉམ་འབྲེལ་སྒོས་པར་སྐྲུན་འགྲེམས་སྤེལ་བྱས་པའི་ནག་འཇོམས་ངན་སེལ་གྱོད་གཞིའི་བསམ་འཆར་བཞི་ནི་གང་དག་ཡིན་ནམ།

《ནག་ཚོགས་སྟོབས་ཤུགས་ཀྱི་ཉེས་དོན་དང་འབྲེལ་བའི་གྱོད་དོན་འགའི་གནད་དོན་སྐོར་གྱི་བསམ་འཆར།》

《“ལམ་བསྒྱུར་དངུལ་བུན”གྱི་ཉེས་དོན་དང་འབྲེལ་བའི་གྱོད་དོན་འགའི་གནད་དོན་སྐོར་གྱི་བསམ་འཆར།》

《ནག་ཚོགས་སྟོབས་ཤུགས་ཀྱི་ཉེས་དོན་དང་འབྲེལ་བའི་གྱོད་དོན་ཁྲོད་ཀྱི་ནོར་སྲིད་ཐག་གཅོད་འགའི་གནད་དོན་སྐོར་གྱི་བསམ་འཆར།》

《“འཇམ་རྩུབ་གཏུམ་སྤྱོད”ཀྱི་ཉེས་དོན་དང་འབྲེལ་བའི་གྱོད་དོན་འགའི་གནད་དོན་སྐོར་གྱི་བསམ་འཆར།》

(ཡོངས་སུ་རྫོགས་སོ།)

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།